Ah ya dini

Retour Vidéo suivante
Commentaires (1)

1. Admin vendredi, 20 Juillet 2012

Aẓar yeṭṭafar tara
Laṣel yettbin ger medden
Yal yiwen ansi i-d-yufrara
Yella lḥebb yella ukerfa
Yal yiwen ansi i-d-yufrara
Idammen ur skiddiben
Nessuter deg-wen tuṣṣra
A lemleḥ deg Gawawen

(Bis)
Ay ferḥeɣ m'ara d-tini:
" Ah ya dini!"
Lehḍur-is weznen, temleḥ tessen

Deg fus-is tewwet lḥenni
Ah ya dini!
Berrikit lecfar tecbeḥ yessen

Tettbin am lemri tettbin
Ger tayeḍnin
Tettbin am-yetri i d-yekkren ṣṣbeḥ

S wallen tseḥḥer i s-d-izzin
D-tiberkanin
Win f i rsent ayen i yeṭṭef ad s-iserreḥ

D laṣel d lḥebb umɛin
Laṣel n tsekrin
Ṣeqsi ansi i d-tekka
Ad tafeḍ ṣṣeḥ

Aḥlil a win ur nessin
Ma iɣill d-tin
Isehlen i uqerreb d umerreḥ

Inewwer webrid mi d-tɛedda
Am tsedda
Inewwer amzun d-tafat i iceɛlen

D lqed f i terra llebsa
Fellas xemsa
Bedden yak ɣur-s i d-smuqulen

Ur teṭṭal akkin akka
Ur s-d-icqa
Ma yella leɛbad ččan-tt s wallen

Γef yiwen i trebba tasa
Yiwen i tesɛa
Γas nettat aṭas i tt-iḥemmlen

Anda i tella zhan wussan
Bedden waman
Tzerreɛ tirga n lɛali g brid-is

Ittreqriq win i tt-yesɛan
Texdem-as ccan
Tḥemmel-it tekseb-t d amwanes-is

Yezdi-ten wayen yellan
Ayen i yeṣfan
I wayen ilhan rran azal-is

Amjaḥ ur yeggan uḍan
Yettneqlab kan
Seg-asmi tt-yeẓra ur yufi iman-is

Ajouter un commentaire

Créer un site gratuit avec e-monsite - Signaler un contenu illicite sur ce site